Mas di 500 motociclista a inscribi na Garage Cordia Aruba

ORANJESTAD, Aruba – 15 di maart 2015: “E grupo tabata masha grandi mes, demostrando un interes grandi pa participa na e evento y tambe pa celebra nos dia nacional den grandi”, asina Danilo Werleman di Garage Cordia Aruba a bisa despues di e evento bon atendi diabierna anochi den nan showroom situa na Camacuri.

MES_1566 (Copy).jpg

Den cuadro di nan celebracion di  50 aniversario, Garage Cordia Aruba a priminti cu cada luna lo organisa un evento pa celebra cu e compania ta sigui innova y percura pa productonan nobo, tecnologia moderno y brinda clientenan un variacion di autonan. Luna di Maart lo celebra tambe e 50 añanan di e modelo di auto, Toyota Corolla na Aruba. 

Pa e celebracion di e luna aki, e agencia di auto a uni cu Camacuri Harley Davidson Club. Hunto ta organisa un tremendo Car & Bike Show dialuna 16 di Maart. Tur esunnan cu kier show nan auto of brommer a inscribi diabierna na Garage Cordia.

Tur cos ta mustra cu e interes pa e “18th Ride @ Camacuri” ta hopi grandi e aña aki, cu mas di 500 participante, cu ta inclui 23 bikers for di Boneiro, cu 101 participante for di Corsou y for di Surinam a yega 8 participante. Mayoria di e motociclistanan aki ta combina nan estadia tambe cu un bon vakantie riba nos isla.

E evento diabierna anochi na Garage Cordia a bay compaña cu hopi musica y entretenimiento, mientrascu tur cu a inscribi por a admira e cantidad di brommernan, tanto esunnan di Aruba mes como esunnan cu a bini di exterior pa participa.

Garage Cordia Aruba a habri su portanan na juli 1965 y tin como meta pa sostene eventonan local cu ta bunita pa comunidad. Gran parti di e entradanan di e eventonan aki ta destina pa e muchanan special y di Casa Cuna.

MES_1519 (Copy).jpgMES_1522 (Copy).jpgMES_1529 (Copy).jpgMES_1537 (Copy).jpgMES_1540 (Copy).jpgMES_1554 (Copy).jpgMES_1559 (Copy).jpgMES_1561 (Copy).jpgMES_1562 (Copy).jpgMES_1566 (Copy).jpgMES_1569 (Copy).jpgMES_1573 (Copy).jpgMES_1576 (Copy).jpgMES_1582 (Copy).jpgMES_1585 (Copy).jpg