Celebrando 50 aña di exito
Oranjestad 12 di Mei 2015 – ARUBA: Luna di mei ta luna di Toyota Corolla na Garage Cordia. Celebrando e di 50 aniversario di Garage Cordia y e di 50 aña di Toyota Corolla den bos mercado. Durante di henter e luna aki tur doño di Toyota Corolla ta ricibi un check-up gratis pa nan Corolla.
Simplemente pasa na e departamento di benta y regla bo check-up gratis y mesora ricibi un invitacion pa e fabuloso evento di Corolla riba dia 29 di mei.
Tur clientenan cu ta doño di un Corolla y a hiba nan auto pa un check-up lo automaticamente ricibi un invitacion pa e happy hour special durante cua Garage Cordia lo regala gift certificates di 250 florin te cu 500 florin pa uza na Garage Cordia. E gift certificate por wordo uza por ehempel na e Parts Department of Service Department di Garage Cordia.
Na 2014, Toyota a lansa di e 11 generacion di Toyota Corolla cu un diseño mas moderno, mas eficiente, mas sofistica, pero cu e mesun durabilidad cu clientenan mundialmente a custumbra cune di nan Corolla.
Un sondeo global a mustra cu 80% di TUR Toyota Corolla cu a wordo bendi den e ultimo 20 añanan ainda ta riba caminda. Un prueba palpabel di e durabilidad di Toyota Corolla, cu ta ta sigui evoluciona y innova, y na mes momento ta keda e mesun auto cu su doño por conta riba dje pa hopi aña.
Garage Cordia ta combina e celebracion grandi di Luna di Corolla cu un tremendo “Red Tag Event” cu prijsnan super special riba e modelonan mas nobo di Corolla. Garage Cordia ta invita clientenan y futuro clientenan pa bishita e showroom na Camacuri pa wak e prijsnan “cora cora” pa conmemora e aniversario di Corolla, un di e modelonan di auto mas impactante y spectacular den su funcionamento, diseño y durabilidad.
