Red Tag Event di Garage Cordia ta sigui

HP_-May-OfferCordia_Arubabank4thjuly.jpg

ORANJESTAD, Aruba – 2 di juli 2015: E eventonan di tur diasabra den cuadro di celebracion di 50 aniversario di Garage Cordia ta sigui riba dia 4 di juli cu un tremendo “Red Tag Event” y riba diasabra dia 11 di juli cu un Lexus Hybrid test drive special. Ademas, taxistanan y chauffeurnan di bus chikito ta invita pa pasa na e showroom di Garage Cordia pa haya sa mas tocante e Red Tag Event special riba vehiculonan ideal pa transporta nan clientenan comodamente.

Garage Cordia ta invita amantenan di Toyota pa bishita e showroom riba “4th of July” for di 9’or di mainta pa 1or di merdia pa admira e Toyota Yaris, Toyota Corolla Base, Toyota Prius C, y Toyota Rav4. Pa e Red Tag Event aki a publica prijsnan cu ta cuminsa na pagonan di 772 florin pa luna riba Toyota Yaris, cu fiansa via di Aruba Bank. Descuentonan significante riba diferente otro modelo ta inclui e Corolla Base pa e prijs special di Afl. 46,775 y Prius C – un auto hybrid y super economico den uzo di gasolin y menos necesidad pa servicio, pa Afl. 49,500, cual ta inclui 5 aña di servicio riba motor gratis. E Rav4 ta cuminsa na 60 mil florin, dependiendo di e modelo. Tur e prijsnan publica ta inclui BBO y BAZV.

Si Lexus ta e auto di bo soño, Garage Cordia tin e modelonan di mas nobo y mas economico den uzo di gasolin, sea ta e modelo sport, sedan of SUV. Pa diasabra dia 11 di juli tur amante di Lexus ta invita pa bishita e showroom di Garage Cordia pa tuma un test drive den e Lexus CT, Lexus IS y/of Lexus RX450. Tur ta vehiculonan di un calidad haltisimo den nan “styling”, motor, performance y caracteristicanan di siguridad, cu ta ademas elegante y bunita, tanto den e diseño di nan exterior como nan interior.

Pa nan amigonan taxista y chauffeurnan di bus chikito (autobus), Garage Cordia ta lansa un Red Tag Event special, cu prijsnan super special riba e vehiculonan mas conviniente y gusta pa e VIPnan den transporte publico. Toyota ta conta cu un base di clientenan fiel y satisfecho entre taxistanan y chauffeurnan di autobus y naturalmente no ta lubida riba nan.

Pa chauffeurnan di bus chikito, e asina gusta Toyota Hiace pa 12 of 15 pasahero ta cuminsa awo na Afl. 54,575. Pa taxistanan e Toyota Innova pa shete pasahero ta cuminsa na 47 mil florin, e Rav4 pa cinco pasahero ta cuminsa na Afl. 44,175, e Toyota 4Runner (cinco of shete pasahero) ta cuminsa na Afl. 70,800 y e Toyota Prado (shete pasahero) ta cuminsa na Afl. 84,925. Tur e prijsnan “Red Tag” aki ta inclui BBO y BAZV y ta sin invoerrechten.

Garage Cordia ta invita comunidad pa pasa check Red Tag Event y probecha di e bon ofertanan riba vehiculonan Toyota y Lexus, como tambe e interes special ofreci pa banconan presente durante di e eventonan di diasabra mainta for di 9’or di mainta pa 1or di merdia.

IMG_7148.jpgIMG_7145.jpgIMG_7143.jpgIMG_7142.jpg