Di Westpunt pa Punta Basora
October 22, 2007
Oranjestad - Diasabra ultimo Garage Cordia Aruba N.V. y su team di techniconan y acompaña pa Deurwaarder Torres a tene un prueba di eficiencia cu dos vehiculo Toyota Yaris, standard y automatic. E ruta cu a ser escohí ta di Westpunt pa Punta Basora, Seru Colorado y despues bin bek riba e mesun ruta aki merdia. E ruta aki ta brinda e condicionnan adverso cu un auto ta ser confronta cune riba un dia normal manera distancia, paramento den trafico y alaves subimento di seru na varios ocacion, esaki ta pa asimila un poco e diferente paramento y salidanan cu un auto ta enfrenta durante un dia di bay trabao y hiba muchanan scol. E trafico den Oranjestad 12 ‘or a cay net bon pa asimila mas un e factor di temperatura y trancamento den trafico cual ta necesario pa haci un prueba cu integridad.
Durante di dos ora no a paga motor di e auto y a lague cu airco sendi continuamente. Na final ora cu e dos Yarisnan a regresa Westpunt nan a bin bek cu tanki riba full tank. Un cliente anteriomente a test su Yaris bayendo solamente di Westpunt pa Punta Basora pero Garage Cordia kier a midi e auto su eficiencia si e ta keda riba full tank pa bin bek tambe y esaki a logra. E Yaris pues a proba di ta sumamente eficiente y bao di condicionnan di uso diario y hasta un poco mas duro. Na final di e prueba e dos Yarisnan a regresa cu nan tanki full di gasoline. E Yaris Standard a core 76.1 KM y a uza 4.7 liter. Kiermeen cu el a uza un liter pa 16,28 KM. E Yaris automatic a core 75.1 KM, esaki pa motibo di a core cu riemnan un poco mas grandi y hancho y el a uza 4.5 liter di gasoline. Kiermeen cu el a uza un liter pa 16,69 KM. Ambos resultado ta tremendo mirando e condicionnan cu e autonan a core.
Garage Cordia ta sinti su mes contento y orguyoso cu nan por brinda e comunidad di Aruba un vehiculo asina eficiente, safe y cu garantiya di tres aña.