E auto mas stima y bendi na mundo, a yega!
ORANJESTAD - Diamars 13 di mei 2008, Garage Cordia den presencia di
prensa, invitadonan special y su trahadornan, a lanza e Toyota Corolla
di e generashon nobo. Durante di e ultimo simannan, medio di comunicacion aki na Aruba a hasi
henter pueblo curioso cu e yegada di e auto mas stima y bendi na mundo.
E Toyota Corolla hot aki tin un diseño suave Europeo, curvanan
aerodinamico, un postura atletico, un seguridad superior, un interior
espacioso, eficiente den uso di gasoline VVT-I power y hopi
beneficionan moderno cu ta demasiado pa menshona.
E Corolla aki ta posee tur e datayenan di un auto Europeo contemporaneo:
Elegante, suave, energetico, asertivo y cu un toke di actitud.
Caracteriza cu liñanan hancho, rondona cu bumper, luznan di patras cu
un silueta aerodinamico y un postura fuerte.
E interior di e Corolla aki ademas di tin un diseño cu ta asegura un
sentido visual luhoso, e stoelnan di dilanti ta diseña di nobo cu cada
detaye di e structura y e asiento di patras pa asina hasi bo sintamento
mas confortabel y cu un sosten cu ta preveni cansancio asta ora di
coremento di distancia largo.
E asiento di patras ta obtenibel cu un asiento diseña split 60:40, cu ta provee un prestacion confortabel y funcional.
Diasabra awo 17 di mei for di 9:30 am pa 2:00 pm lo tin un tremendo
Corolla Tour cu lo pasa rond Aruba, acompaña pa diferente Bike Club bou
guia di Gert van Vliet. Na diferente districto rond Aruba lo keda un
Corolla staciona, pa asina duna Aruba e oportunidad di admira e auto.
Ademas di e Corolla Tour, Garage Cordia lo ta habri cu tur banco presente na nan showroom na Camacuri.
Garage Cordia ta invita henter pueblo di Aruba pa pasa y admira e beyesa unico di e auto mas stima y bendi na mundo.
- Hans Schnog - Managing Director
-
Ginelo Emerencia - Sales Manager
-
Saskia Aanhane - Marketing Manager
