Den cuadro di Celebracion di Nos Dia Nacional, Garage Cordia a demostra den nan showroom 40 aña di Autonan Clasico cu ainda ta luci riba Aruba su camindanan.
ORANJESTAD, Aruba - 22 di maart 2016: Riba dianan 16 y 17 di Maart ultimo Garage Cordia Aruba a tene un show cu autonan clasico data for di 40 aña pasa y cu ainda ta luci riba caminda. Esaki tabata en relacion cu e Toyota Quality and Durability Show, e celebracion di 30 Aniversario di Nos Status Aparte, 40 aña di Nos Himno y Bandera y e 50 Aniversario di Garage Cordia.
Mayoria di e autonan cu a participa den e show aki ta autonan bendi na clientenan den transcurso di e añanan y cu ainda ta coriendo riba e camindanan di Aruba.
Sigur esaki tabata un bista hopi espectacular, pa mira cu ainda tin di e modelonan aki den e temponan moderno cu nos ta bibando aden awendia.
