Garage Cordia a entrega 3 Toyota RAV4 Hybrid na Polis
ORANJESTAD, Aruba – 30 di Mei 2018: Garage Cordia a entrega 3 auto nobo, marca Toyota modelo RAV4 Hybrid na Aruba Hospitality & Security Foundation cu na su turno a pasa e autonan pa Cuerpo Policial Aruba. Esaki ta e di 2 “batch” di auto di Polis cu a cumpra for di Garage Cordia, agencia di autonan marca Toyota na Aruba. E autonan di Polis lo ta destina pa patruya banda di hotelnan. No solamente e RAV4 Hybrid ta fantastico den consumo di gasolin, pero te perfecto pa mobilisa lihe den un esfuerso pa preveni crimen.
E bentaha cu Cuerpo Policial Aruba lo tin aworaki cu e Hybrid ta den consumo di gasolin, pasobra esaki lo ta hopi menos compara cu e autonan tradicional. E consumo lo ta abou riba combustibel, riba service di auto y esaki ta baha gastonan pa cualkier instancia cu kier adkiri un Toyota Hybrid.
E Toyota RAV4 conoci pa un body cu un style masha bunita. E body style ta bin cu caracterisanan di siguridad entre otro airbags, sistema di brake ABS y vehicle stability control. E auto ta completamente ekipa cu luznan cu Garage Cordia a instala riba nan. E luznan aki ta special traha pa Polis y tur esaki ta haci’e mas visibel riba caminda. Ta spera di mira mas di e autonan hybrid riba caminda.
A funda Garage Cordia Aruba na Juli 1965 ora cu a bestel e prome 12 autonan di marca Toyota pa nos isla. Awendia, despues di mas cu 52 aña, keto bay e compania tin e record di a bende mas auto den historia di nos pais, tanto como agencia como tambe e marca Toyota. Nan ta conoci specialmente pa e bon calidad di e autonan, pero sin lubida cu nan ta e unico cu tin un surtido grandi di piesa pa drecha of ora di “service” e vehiculonan.
###
Show me the RAV4 Contact Cordia
